Kompanyi ya Kenya Airways, yahagaritse ingengo yakoreraga i Kinshasa ku murwa mu kuru w’i gihugu cya Repubulika ya demokarasi ya Congo.

Ni bikubiye mu itangazo Kenya Airways yashize hanze kuri uyu wa Mbere, w’ejo hashize, aho yarishize hanze ikoresheje urubuga rwa x.

Itangazo rivuga ko guhagarika ingendo bitangira kuri uyu wa Kabiri.

Ibi ntacyo ubutegetsi bwa Repubulika ya demokarasi ya Congo, burabivugaho.

Ku itariki ya 19/04/2024, nibwo abakozi babiri ba Kenya Airways bafunzwe n’urwego rushinzwe ubutasi mu gisirikare cya Repubulika ya demokarasi ya Congo, ruzwi nka DEMIAP (Detection Militaire des activites anti-patrie).

Iki gisirikare kivuga ko cyabahagaritse mu gihe ngo hari imizigo yari yabuze ibya ngombwa, ariko umuyobozi nshingwa bikorwa wa Kenya Airways yavuze ko “uwo muzigo uvugwa ntiwapakiwe cyangwa ngo wemerwe na Kenya Airways kubera ibyangombwa bituzuye.”

Muri uko gutabwa muri yombi, telephone zabo bakozi zarafatiriwe ndetse bangirwa ko hari nuwabageraho kugeza ku itariki ya 23/04/2024, ubwo abategetsi bo muri ambasade ya Kenya i Kinshasa hamwe n’itsinda rya Kenya Airways bemerewe kubasura.

Iyi kompanyi yo gutwara abagenzi mu ndege yakoze ibishoboka byose mu gushishikariza igisirikare cya Repubulika ya demokarasi ya Congo kurekura abo bakozi ba Kenya Airways bagasubira mu muryango yabo.

Kugeza ubu abo bakozi baracafunzwe.

       MCN.