Twirwaneho irashinja umunyamakuru Michombero kuba akora inkuru zigamije gushira abaturiye imisozi miremire y’Imulenge mu kaga.

Ni bikubiye mu itangazo Twirwaneho iheruka gushira hanze, muri kiriya Cyumweru dusoje. Itangazo rikaba ryari riteyeho umukono w’u muvugizi wayo Ndakize Kamasa Welcome.

Iryo tangazo rivuga ko “batunguwe no kubona inkuru, yanditswe n’umunyamakuru Daniel Michombero, ivuga ko Twirwaneho yashinze ikambi za gisirikare mu bice biherereye muri Grupema ya Bijombo, muri teritware ya Uvira, mu Ntara ya Kivu y’Amajy’epfo.”

Inkuru ya Daniel Michombero yahamagariraga igisirikare cya Repubulika ya demokarasi ya Congo, gukora ubutabazi bwihuse kugira barwanye Twirwaneho.

Itangazo rya Twirwaneho rikavuga ko ryamaganye ry’i vuye inyuma iyo nkuru ya Daniel Michombero, ndetse n’ibindi bikomeje gukwirakwizwa ku mbuga nkoranya mbaga, biri mu nyandiko no mu majwi, ngo bigamije guha FARDC, FDLR na Wazalendo, urwitwazo rwo kugaba ibitero bigize igihe bitegurwa na leta ya Kinshasa byo kurimbura Abanyekongo bo mu bwoko bw’Abanyamulenge.

Iri tangazo rikomeza rivuga ko uduce Michombero yatangaje ko twashinzwemo ibirindiro bya gisirikare ko tutabaho, ko hubwo bigaragara ko ashaka kuyobya abantu, ari ko kandi biri mu mugambi uteguwe wa leta ya Kinshasa.

Twirwaneho ivuga ko yabayeho mu rwego rwo kurinda abasevile ba Banyamulenge, ni mugihe bagiye bagabwaho ibitero n’inyeshamba za Maï Maï, FDLR n’indi mitwe ifashwa n’igisirikare cya leta ya Kinshasa.

Itangazo rya Twirwaneho risoza rivuga ku bwicanyi bushobora kuba, bivuye ku byatangajwe na Daniel Michombero, ariko kandi we, arimo gushira mu bikorwa ry’u mugambi wa Genocide yateguwe yo gutsemba Abatutsi bo mu Burasirazuba bwa RDC.

Hari naho iri tangazo rigira riti: “Michombero ari mu banyamakuru bitabiriye ikiganiro cya perezida Félix Tshisekedi giheruka kubera i Kinshasa, muri iki kiganiro Tshilombo yashimiye uyu munyamakuru ku kazi ari mo gukora ko gukwirakwiza imvugo zibiba urwango no gushishikariza abandi kwibasira Abatutsi ba banyekongo.”

          MCN.