Ishirahamwe ry’indege ya Congo Airways ryatangaje ko riri gushaka uko ryakodesha indege zibiri (2) byihuse, zizayifasha kugira ngo yongere gusubukura ingendo zayo imaze iminsi zarahagaze.
Ibi nibyatangajwe na Marc Ekila Likombio usanzwe ari umuyobozi wiri shirahamwe, nimugihe kumunsi w’ejo hashize tariki 13/09/2023 yahuraga na Minisitiri w’Intebe wa RDC, Jean-Michel Sama Lukonde.
Ati: “Turizera ko igisubizo kiboneka byihuse kugira ngo ishirahamwe rya Congo Airways ryongere gusubukura ingendo binyuze mu gushaka indege zibiri twakodesha byihuse, kugira ngo zidufashe gukomeza ibikorwa kandi dukomeze inzira yo kunoza umutekano wibikorwa byacu.”
Ku Cyumweru tariki ya 11 Congo Airways yatangaje ko yahagaritse ibikorwa byo gutwara abantu n’ibintu.
Iri shirahamwe risanzwe ryegamiye kuri Leta ya Kinshasa bafashe kiriya cyemezo, mu rwego rwo kugira ngo babanze gukoresha indege imwe rukumbi yari isigaranye yagize ibibazo bya moteri.
Congo Airways isanganywe ikibazo cayo cihariye c’indege dore ko yahoze ifite izigera kuri zitatu gusa zose zagiye zipfa zikabura izo kuzisimbura.
Leta ya Repubulika ya Demokarasi ya Congo iherutse gutangaza ko iri gushaka ubushobozi bwo gutera inkunga iryoshirahamwe, kugira ngo ibe sosiyete y’indege ifite icyerecyezo.
Congo Airways ku ruhande rwayo ivuga ko byibura ikeneye $ miliyoni 33 kugira ngo ibashe gusana indege zayo zangiritse.
By Bruce Bahanda.
Tariki 14/09/2023.