Gumino n’abo bafatanije nyuma yogukora igitero ku baturage b’irwanaho, bahungiye kure y’ibirindiro byabo bikuru.

Ni umutwe wa Gumino witwara gisirikare uyobowe na Col Alex Nyamusaraba, ku bufatanye na Maï Maï baheruka kugaba igitero kuri Twirwaneho, maze yirwanaho ibakubita inshuro, bahungira mu bice biri kure naho bari barubatse ikambi yabo, ira hitwa i Nyarurambi.

Igitero cya Gumino ku bufatanye na Maï Maï cya gabwe kuri Twirwaneho ku mugoroba wo ku wa Kabiri, tariki ya 25/062024, bakigaba ahitwa mu Bijojwe aho Twirwaneho yariri, ikaba yari yaherekeje Abagore gusarura imirima yabo.

Iki gitero Gumino na Maï Maï bagikoze mu rwego rwo kugira ngo bigarurire iy’imirima y’abaturage, nk’uko biri mu butumwa bwa majwi Minembwe Capital News yahawe.

Bivugwa ko Twirwaneho yaje kw’irwanaho, kandi irwana no ku baturage, maze yirukana bariya barwanyi bitwara gisirikare bari bagabye iki gitero baturutse mu birindiro byabo bikuru biri ahitwa i Nyarurambi.

Icyo gihe amakuru yaje avuga ko Gumino na Maï Maï, bahunze berekeza ku ruzi rwa Kanani, ahaje no kurwa abarwanyi ba barirwa mu icumi bo k’uruhande rwa Gumino na Maï, mu gihe ku ruhande rwa Twirwaneho batashye amahoro, nk’uko Minembwe Capital News yahawe inkuru iri mu jwi.

Muri iyo mirwano yari sakiranije Twirwaneho na Maï Maï ifatanije na Gumino, aba barwanyi bari bagabye kuri Twirwaneho, bakijijwe n’amaguru, kugeza naho komanda wabo, Fureko usanzwe areba abarwanyi ba Gumino mu Rurambo, na Col Rushaba umukuru wa Maï Maï yo muri ibyo bice, bataye ibirindiro byabo bikuru biri ahitwa i Nyarurambi, bahungira mu duce dutandukanye two muri Rurambo.

Amakuru ava aha mu Rurambo, avuga ko abarwanyi bari kumwe na Col Rushaba na Fureko bahungiye ahitwa Mukono, hejuru mu Marango yo kw’i Remezo (aha niho teritware ya Mwenga ihana imbibi na teritware ya Uvira), abarwanyi bo bayoboye na Nzeyimana bahungira ku misozi imanukira i Lemera (ahatuwe n’Abapfulero), mu gihe Col Kitwamaja wari watabaye uruhande rwa Gumino na Maï Maï, yahise yerekeza mu bice byo muri teritware ya Mwenga aho avuka, avuga ko atakomeza intambara hamwe na Gumino.

Kurubu Twirwaneho iyoboye igice kinini cyo muri Rurambo, ndetse n’ahahoze ari mu birindiro bikuru bya Gumino bya Nyarurambi.

              MCN.