Abaturage bo mu karere ka Rurambo, batewe ubwoba n’ibirimo gukorerwa iwabo.

Kuva kuri uyu wa Kane wo kw’itariki ya 06/06/2024, mu bice byo muri Rurambo ho muri teritware ya Uvira, mu Ntara ya Kivu y’Amajy’epfo, hisutse abarwanyi benshi bo mu mutwe wa Maï Maï n’indi mitwe irimo FDLR, nk’uko iy’inkuru tuyikesha abaturiye ibyo bice.

Bavuga ko aba barwanyi ko bahitiye mu birindiro bya Gumino iyobowe na Nyamusaraba wiyita Colonel, birahitwa Nyarurambi no Kwitara.

Bakaba baraje bava ahitwa Mukalungu, muri teritware ya Mwenga.

Abaturage banasobanuye ko aba barwanyi ba Maï Maï ko baje bayobowe na komanda Kitwamaja.

Kwisuka kwa Maï Maï ku bwinshi muri ibi bice byo muri Rurambo, byatumye abaturage bagira ubwoba bwinshi, bakaba bavuze ko ibi bituma aka karere kongera kubamo intambara, kandi bari bafite agahenge, nyuma y’uko aha hagiye habera intambara mu bihe bishize.

Umwe mu baturage baturiye ibyo bice yaduhaye amakuru agira ati: “Twagize ubwoba bwinshi, nyuma y’uko abarwanyi ba Maï Maï na FDLR baje muri ibi bice ari benshi.”

Yakomeje agira ati: “Kandi turatekereza ko nta kindi kibazanye usibye intambara. Aba barwanyi bakiriwe na Gumino.”

             MCN.