Kabila ugize igihe atigisa ubutegetsi bwa Kinshasa yakiriwe muri kimwe mu bihugu bikomeye.

Ni Joseph Kabila Kabange wahoze ari perezida wa Repubulika ya demokarasi ya Congo, bivugwa ko yakiriwe i Bruxelles mu Bubiligi ho ku mugabane w’u Burayi.

Mu minsi mike ishize nibwo Joseph Kabila wayoboye iki gihugu cya RDC yambutse imipaka y’iki gihugu mu buryo bamwe mu bategetsi ba Kinshasa bavugaga ko yahunze, nyuma y’uko atari akivugarumwe n’ubutegetsi bwa perezida Félix Tshisekedi. Ahanini yashinjwaga gushyigikira AFC ibarizwamo n’umutwe wa M23 urwanya ubutegetsi bwa Kinshasa.

Kabila yayoboye Repubulika ya demokarasi ya Congo, imyaka 18, aza gutsimburwa na Tshisekedi uriho kuri none.

Usibye Tshisekedi washinje Kabila gushyigikira AFC, n’abandi bategetsi b’iki gihugu barimo na Christophe Lutundula wahoze ari minisitiri w’ubabanye n’amahanga yavuze ko uyu mugabo ashobora no gutabwa muri yombi azira gushyigikira ihuriro ry’imitwe ya politiki n’igisirikare rya AFC.

Kuri ubu, amakuru ava muri RDC avuga ko Joseph Kabila yakiriwe i Bruxelles mu Bubiligi.

Aya makuru anavuga ko ahagana tariki ya 12/09/2024, kwaribwo yakiriwe muri iki gihugu giherereye ku mu gabane w’u Burayi.

Kimweho, ibyo Joseph Kabila yaba yaraganiriye n’abategetsi b’u Bubiligi ntibiramenyekana.

Binavugwa ko u Bubiligi ko bwaba bumaze gutakariza icyizere perezida Félix Tshisekedi, muri ubwo buryo ngo bukaba bwatangiye gutegura uzamutsimbura.

             MCN.