Ifungwa rya Dr Mbera, wafungiwe muri Kivu y’Epfo, ryongeye kugaragaza ihohoterwa rikorerwa Abanyamulenge.
Ku Cyumweru tariki ya 25/08/2024, nibwo urwego rushinzwe iperereza muri Kivu y’Amajy’epfo rwataye muri yombi bwana Dr Alexis Mbera Nzabakiza, nyuma uru rwego ruja ku mufungira kuri Bureau Deux, iherereye mu mujyi wa Uvira.
Alexis Mbera Nzabakiza wafunzwe, yari umuganga uri mu bakomeye bakora ku bitaro bikuru bya Nyakirango muri Grupema ya Bijombo ho muri teritware ya Uvira.
Abaturiye i Ndondo ya Bijombo, babwiye MCN ko ibi bitaro bya Nyakirango, Mbera abereye umuganga mukuru byahoze biyobowe na Dr Merci Kimararungu wishwe arashwe mu mpera z’u mwaka w’ 2022, ubwo nawe yari avuye Uvira ajanye ibikoresho birimo imiti, abijanye kuri ibi bitaro bya Nyakirango aza kuraswa n’abarwanyi bo kwa John Makanaki, nk’uko byagiye bitangazwa muri icyo gihe.
Ku Kuzi ka Mugaja kari mu misozi ya Uvira uzamuka uja ku Ndondo ya Bijombo, amakuru yemeza ko ari ho bwana Dr Mbera inzego z’u mutekano za mufatiye ari nabwo zahise zimwerekeza muri Uvira gufungwa.
Bamwe mu Banyamulenge babonye aho Dr Nzabakiza afatwa bavuze ko abamutaye muri yombi bavuga ko ari umuganga ugemurira imiti Twirwaneho iyobowe na Colonel Rukunda Michelle wa mamaye ku mazina ya Makanika.
Ariko ibi bakavuga ko byavuye kuribirya ubutegetsi bwa Kinshasa bukora byo guhohotera abavuga ururimi rw’ikinyarwanda.
Mu bihe bitandukanye, Abanyamulenge n’Abatutsi bose muri rusange bagiye bicwa, igihe batishwe, bagafungwa. Ndetse hirya no hino mu bice bya RDC usanga hafungiwe Abanyamulenge benshi, ikibabaje ugasanga muri aba bafunzwe batagezwa imbere y’ubutabera ngo baburane, kuko nta byaha bashijwa, usibye kuzira ubwoko bwabo.
Amakuru yemeza ko ubu Dr Mbera afungiwe Uvira, ariko ko yemerewe gusurwa.
Ubuhamya bwatanzwe buvuga ko umuryango wa Dr Mbera, usaba ko yafungurwa, ngo kuko ntacyaha kimufunze. Banavuze kandi ko Leta ibereye kurenganura abarengana, ariko ngo mu gihe itarenganuye ntigomba kwitwa Leta mbyeyi.
MCN.