Hari byavuzwe ku gitero ihuriro ry’ingabo za Guverinoma ya Kinshasa ryagabye mu baturage baturiye i Kirumba.
Ni igitero ririya huriro ry’ingabo za leta ya Perezida Félix Tshisekedi ryagabye ahagana isaha z’urukerera ryo muri iki gitondo cyo ku Cyumweru tariki ya 14/07/2024, rikigaba ahatuwe n’abaturage benshi mu bice byo muri Kirumba.
Umutwe wa M23 wakivuzeho, ubinyujije ku muvugizi wayo mu bya politiki Lawrence Kanyuka aho yakoresheje imbuga nkoranya mbaga avuga ko ‘kuva igihe c’isaha ya saa kumi n’imwe ibisasu byubutitsa byarimo biterwa ahatuwe n’abaturage benshi muri Kirumba. Kandi ko ibyo bisasu byarimo biraswa na ririya huriro ry’ingabo za Guverinoma ya Kinshasa.’
Yagize ati: “Kuva ku isaha ya saa kumi n’imwe n’iminota 40 z’igitondo cyo ku itariki ya 14/07/2024, ihuriro ry’ubutegetsi bwa Kinshasa ryagabye ibitero ku turere dutuwe cyane i Kirumba.”
Yashimangiye ibi avuga ko atari i Kirumba honyine bagabwe ibitero ko no mu nkengero zaho hasutswe ibisasu biremereye.
Ati: “No mu nkengero za Kirumba iri huriro ryakomeje kuhatera ibisasu, kandi byangije ubuzima bw’abaturage benshi binzirakarengane n’ibikorwa remezo.”
Imirwano ikomeje mu gihe Leta Zunze Ubumwe z’Amerika zitangaje agahenge ki byumweru bibiri, gusa impande zirebwa naka gahenge zikomeje kwitana bamwana kutubahiriza amasezerano azireba.
Tubibutsa ko aka gahenge katangiye mu mpera zicyumweru gishize.
MCN.